Ish-kryeministri i Shqipërisë Sali Berisha ka dalë në një prononcim për mediat pas takimit me kryetaren e Parlamentit të Kosovës dhe Presidenten në detyrë, Vjosa Osmani.
Berisha ka thënë se Osmani ka folur dje në Parlamentin e Shqipërisë në emër të të gjithë shqiptarëve, ndërkohë që e ka konsideruar akt armiqësor mohimin e genocidit serb.
“Shfrytëzova rasti për të diskutuar mbi problemet që po përballen dy vendet. E falenderova zonjën President për çështjet e mëdha që ngriti në fjalën e saj në Parlamentin shqiptar, mohimi nga ana e zografit të genocidit serb, përbën një akt flagrant të kombit shqiptar.
Dua t’ju them që presidentja foli në parlament jo vetëm në emër të qytetarëve të Kosovës por të mbarë shqiptarëve. Jo vetëm për shqiptarët që sot janë gjallë, por në emër të gjeneratave që sot janë shuar, në emër të mijëra shqiptarëve që u masakruan nga racistët serb deri në viti 1999. Akti i mohimit me urdhër të Ramës në dokumentat e Parlamentit shqiptar të genocidit serb, është akt armiqësor ndaj çdo shqiptari dhe njerëzimit, që nuk njeh falje ndaj dënimit e krimeve kundër tij dhe genocidin ndaj një kombi mbi baza raciste.
Pas holokaustit ndaj hebrenjve është forma më e egër e genocidit që Europa ka njohur. Kush nuk e njeh këtë problem t’i referohet librave. Por që në vitin 2013 falë asaj rruge qytetarët e Kosovës kontribonon me 320 milion euro në prodhimin e brendshëm të Shqipëri që sot është më i madh. Ky njeri që nuk ka investuar asnjë qindrakë të vetme në marrëdhënien Shqipëri-Kosovë, vuri traun ndaj shqiptarëve të Kosovës, vuri taksën për të ardhur në Shqipëri në një akt prej faqeziu të vërtetë”, ka thënë Berisha.
Ish-kryeministri ka vijuar më tej, duke theksuar se nëse i mohojmë këto genocide ne meritojmë të zhdukemi.
“Nëse vendosim të flëjmë mbi varre, paqe nuk do të ketë kurrë. Nëse mohojmë genocidet ciklike të serbëve ndaj shqiptarëve, ne nuk meritojmë të rrojmë. Meritojmë të zhdukemi. Por ne nuk zhdukemi dhe këtë e kemi vërtetuar.”
