Pas përmbylljes së “Javës së Integritetit”, ku 18 bashki të vendit u përfshinë me aktivitete sensibilizuese, duke u fokusuar në tematizimin e cështjeve që kanë të bëjnë me problematikat e korrupsionit, si dhe të një sërë fenomenesh që gangrenizojnë shoqërinë shqiptare, ditën e sotme, ambasadori i Komisionit Evropian, Luigi Soreca, teksa ka evidentuar rolin e projektit “Bashkitë për Evropë”, që po implementohet mjaft sukseshëm falë dhe angazhimit të drejtueses së projektit znj. Jolanda Trebicka, ka akorduar dhënien e “Mirënjohjes së Vecantë” për dy nga Njësitë e Integrimit, të cilat u evidentuan për shkallën e përgjegjësisë dhe të profesionalizmit me të cilën realizuan kalendarin e veprimtarive të parashikuara.
Njësia e Integrimit Vau-Dejës, me përfaqësuese znj. Entela Kolaj dhe Njësia e Integrimit Patos, me përfaqësuese znj. Elda Goxhaj, janë vlerësuar për “Javën e Integrimit” për vitin 2020, për qasjen e krijuar pranë institucioneve të tyre ndaj aspekteve integruese, duke rritur ndjeshëm kapacitetet përfshirëse në rolin dhe qëllimin e funksionimit të këtyre njësive.
Nuk kishte si të ndodhte ndryshe për Znj. Entela Kolaj, përvecse të shpërblehej me një cmim më se të merituar, pasi duke ndjekur nga afër vepritaritë e realizuara nga Njësia e Integrimit Vau-Dejës, ishim besimplotë se formati i veprimtarive të organizuara me shumë pasion dhe zell nga znj. Entela Kolaj, tejkalonin kufijtë lokalë dhe rrokulliseshin në dimensione jashtëzakonisht cilësore, duke afirmuar potencialin e jashtëzakonshëm intelektual, human dhe profesional të saj.
Në profilin facebook, Znj. Kolaj, pas marrjes së vlerësimit, ka ndarë me ndjekësit e saj këtë emocion të bukur, duke ia dedikuar suksesin bashkëpunëtorëve dhe kolëgëve të saj të nderuar në bashkinë Vau-Dejës, të cilët e mbështetën pa rezerva në veprimtaritë e realizuara.
Një falënderim të vecantë, znj. Kolaj, adreson për drejtuesen e projektit “Bashkitë për Evropë”, znj. Jolanda Trebicka, si dhe për Drejtorin e Përgjithshëm të Agjencisë për Mbështetje të Qeverisjes Vendore, z. Agim Murati, ndaj të cilëve nuk kursehet për fjalët e mira ndaj tyre, duke i konsideruar si kontribuotorë të mëdhenj në procesin integrues të vendit.
