Kreu i Lëvizjes së Legalitetit Shpëtim Axhami përmes një komunikimi ka kërkuar që qeveria Rama të japë shpërblimin e fundvitit. Kryelegalisti Axhami, ka nënvizuar se para 8 vitesh shumë prej punonjësve buxhetorë, për festat e fundvitit, kanë marrë një pagë shtesë ose të paktën 10000 lekë shperblim.
Në këtë fundviti e prag festash, ndryshe nga vitet e tjera, ku gjithçka është tkurrur, ku është prishur çdo ekuilibër dhe kur gjendemi me vështirësi të theksuara ekonomike qeveria duhet të jap paketë ndihmëse, shpërblim, për festat e këtij fundviti.
Për 9-muaj pandemi gjendja ka ardhur gjithnjë duke u vështirësuar ekonomikisht ku shqiptarët, të harruar nga qeveria, janë katandisur deri edhe tek blerja e ilaçeve me listë.
Familjet në nevojë me ndihmë ekonomike, pensionistët, mësuesit, mjekët, policët, çdo punonjës shteti me pagë të ulët dhe çdo biznes i vogel familjarë i goditur nga izolimi pandemik duhet me patjeter të shpërblehen me nje vlerë të paktën 10000 lekë për festat e fundvitit e jo me tallje si përherë me 2000 e 3000 lek sa për të kaluar rradhën.
Eshtë detyrim qeveritarë që kurdoherë, por sidomos në këtë situatë, të ju vi në ndihmë qytetarëve të vet pasi këta meritojnë respekt dhe të drejtë për të festuar si kushdo tjetër.
Më pak drita e fishekzjarre, ulje e çdo shpenzimi të kotë qeveritarë për të qenë sa më afër qytetarëve.
Shumë prej punonjësve të mësipërm për festat e fundvitit, para tetë vitesh, kanë marrë një pagë shtesë ose të paktën 10000 lekë shperblim.
Ditë të mira do të vijnë gjithçka do të ndryshojë.
Kurajo-Shpresë-Besim.
