Me 84 vota pro, 9 kundër dhe 4 abstenim deputetët miratuan në seancën e sotme plenare buxhetin per vitin e ardhshem.
Por mes shumë diskutimesh, ku mbizotëroi ai i kryeministrit Edi Rama dhe Covid-19, analisti Ilir Demalia i ka tërhequr vëmendjen një detaj, që për të tregon edhe seriozitetin e shtetit shqiptar.
Sipas Demalisë, nuk ndodh askush tjetër që për të njëjtin diskutim një flet me lekë, një me euro e një me dollar.
Ilir Demalia: Më gjeni një shtet të dytë në botë që vepron në këtë mënyrë!
A mund të merret seriozisht një vënd që flitet për buxhetin e shtetit apo probleme financare dhe investime, brënda një seance parlamentare dhe në vazhdimësi nga i njëjti folës, për të njëjtin diskutim, me radhë nga kryeministri, ministrat, deputët, shifrat i japin herë me lekë të reja, herë me lekë të vjetra, herë me euro, herë me dollarë??
Governatori bankës herë i jep shifrat me lekë të vjetra, herë me të reja, herë me dollar herë me Euro.
Te njëjtën gjë media dhe shoqëria.
A ka ekonomist botëror që të gjej shifrën e sakte në këtë çorbë derrash politik, financiar, mediatik, popullor të popullit trim dhe punëtor?!!
