Nga Shpetim AXHAMI, kryetar i PLL
Drafti i propozuar nga Ministria e Brendëshme, ku sipas këtij projektligji, një komision i posaçëm studion 300 firma dhe këto firmëtarë shpallen minoritet, është absurd i pa arsyeshëm dhe antikombëtarë.
Mjaftojnë 300 firma për t’u shpallur pakicë kombëtare dhe nëse në një zone 20% deklarohen pakicë kombëtare, atëherë kanë të drejtën e përdorimit të gjuhës së tyre në komunikimet me pushtetin vendor, si vendosjen në tabela e sinjalistika.
Ky është një nga aktet më të rënda të miratuara ndonjëherë e cila do të ketë pasoja për shtetin shqiptar.
Duhet që të reflektohet sa më shpejt, qeveria të tërhiqet dhe jo të dorëzohet si e mundur totalisht duke miratuar një projektligj të tillë.
Ky projektligj, kryesisht, rrit oreksin e qarqeve të caktuara greke perkundrejt qëllimeve të tyre, marrëveshjes për detin dhe hapjes së varrezave greke, i shtohet edhe një akt tjetër më i rrëzikshëm e antikombëtarë.
Në kohën e Mbretëria shqiptare Mbreti Zog I, ka arritur marreveshje historike me palën greke, nga autoqefalia e Kishës e deri tek njohja e minoritetit çam.
Sot tregohemi inferiorë dhe të dorëzuar ndaj çdo kërkese të tillë absurde dhe para kujtdo.
Presioni i palës greke per mosdakortësi në hapjen e negociatave etjera-etjera, nuk duhet të na bëjnë në asnjë mënyrë që të shesim interesat kombëtare para kujtdo dhe për asnjë perfitim afatshkurter e me patjetër shpejt historia do të na denojë rëndë.
Ndërkohë në anën tjetër, kemi Greqinë që nuk njeh fare minoritete, pa folur fare për reciprocitet në zgjidhjen e Çeshtjes Çame, e cila kërkohet të arkivohet nga pala greke.
Miratimi i këtij projektligji, eshtë një akt antikombetar i qeverisë, absurd dhe i paarsyeshëm dhe mbi të gjitha kundra çdo interesi kombetarë.
Të gjithë faktorët, politikë, qytetarë, intelektualë dhe shoqëri civile, duhet të bëhemi bllok për të mos e lejuar nje gjë të tillë.????????
