Rikthimi i studentëvë në auditore ka shqetësuar Partinë Demokratike, pasi sipas saj nuk ka kushte për tu marrë një vendim i tillë.
Në një reagim në Facebook, kryetari i FRPD, Belind Këlliçi ngre 8 çështje që qeveria nuk i ka dhënë zgjidhje, ndërsa thotë se Ministria e Arsimit nuk ka asnjë plan.
Reagimi i Belind Këlliçit
Ndonëse është lajmëruar se në qershor do të kthehen një pjesë e studentëve në auditorë, ende nuk ka asnjë plan konkret se si do të mbrohet shëndeti i studentëve dhe pedagogeve!
Ministria e Arsimit s’ka ende asnjë plan për këtë çështje, ndërkohë që e gjithë Europa po ndërmerr hapa të vegjël, duke patur prioritet kryesor shëndetin e qytetareve.
Sot ende nuk e dimë se:
Cilat janë masat konkrete të marra?
Si do te jetë shpërndarja e studenteve në auditore?
A ka ambiente apo hapësira të mjaftueshme?
A ka numër të mjaftueshëm pedagogesh për të dhënë mësim në disa auditore të së njëjtës lende njëherësh?
Si do të behet dezinfektimi i ambienteve?
Si do të veprohet me fletët e provimeve?
Një numër i madh studentesh vijnë nga rrethet dhe ende nuk dihet:
Si do të bëhet akomodimi i tyre nëpër konvikte për të ruajtur distancimin social?
Sa studente do të qëndrojnë në një dhomë?
Në vend që tu japë zgjidhje këtyre çështjeve të rëndësishme për shëndetin e studenteve, Ministria e Arsimit e ka mendjen të kapë dhe universitetet me zgjedhje farse, në kundërshtim me ligjin dhe frymën e Kushtetutës dhe në një kohe kur sfida kryesore në vend është jeta dhe shëndeti i qytetareve!
Sot shume vende kane shtyre zgjedhjet politike, siç është dhe rasti konkret i Maqedonisë së Veriut, ndërsa Ministria e Arsimit tonë kërkon të bejë zgjedhje në universitet, pa studente e pa pedagoge! Këtë absurd e standard vetëm Rilindja mund ta arrije!
