Para pak ditësh u lançua nisma e shoqatës “Tomorrow Starts Today” (T.S.T), me qendër në Bushat të bashkisë Vau-Dejës, me fokus, solidaritetin vëllazëror të shprehur përmes mbështetjes konkrete me ushqime të familjeve në nevojë, duke dhënë një mesazh sa të rëndësishëm për ditët që po kalojmë, aq dhe civilizues për vlerat humane dhe dashurinë e pakufishme që rrok misioni i kësaj shoqate.
Nuk kanë kaluar shumë ditë dhe me vullnetin e jashtëzakonshëm të drejtuesit të kësaj shoqate, djalin zellmadh dhe fjalëpak, Ermir Shimaj, kanë filluar përgatitjet dhe është bërë shpëndarja e pakove të para në adresimin e familjeve dhe të individëve më me shumë nevojë.
Këtë njoftim të rëndësishëm e gjejmë në faqen e shoqatës, të shoqëruar dhe me përgatijet e pakove nga vetë stafi, të cilët në postimin e tyre, shprehin falënderimin për kontribuesit, për ata që po e mëbshtetin këtë nismë kuptimplote, por që me modestinë e tyre nuk duan t’u reklamohet emri, pasi një gjë të tillë e bëjnë se ua ndjen shpirti i tyr e human, -thuhet në publikimin e shpërndarë në faqen e shoqatës.
Në shpërndarjen e pakove me ushqime, vetë drejtuesi i shoqatës, një djalë i heshtur, por mjaft human, është përpjekur të qëndrojë larg mediatizimit, pasi bujaria dhe solidariteti vëllazëror, nuk kanë nevojë të reklamohen,-do të shtonte ai në bisedat e tij me miqtë dhe bashkëpunëtorët.
Gjatë ditës së sotme, shoqata “Tomorrow Starts Today” (T.S.T), ka bërë një punë që askush më parë në këtë zonë nuk e ka përcjellë me kaq ngrohtësi mbështetjen dhe dashurinë njerëzore, duke u ardhur në ndihmë 44 familjeve në nevojë, të cilat u gjendën në befasi nga stafi i shoqatës, teksa trokisnin në dyert etyre për shpërndarjen e pakove ushqimore.
Drejtuesi Shimaj, në bisedë me bashkëpunëtorët e tij të shoqatës, ka nënvizuar ndjeshmërinë e madhe dhe impaktin pozitiv që është krijuar nga nisma e tyre, ndaj është e rëndësishme angazhimi, serioziteti dhe roli solidar i secilit për të përcjellë tek më nevojtarët sa më shumë mbështetje.
Pas këtij publikimi, kanë qenë të shumta mesazhet e ndjekësve, si dhe të komunitetit të gjerë, të cilët përvecse shprehin mirënjohje për stafin dhe drejtuesit e shoqatës, adresojnë dhe qindra urime, duke e bërë akoma më të pranishmë misionin e saj në komunitet.
Shoqata “E nesërmja fillon sot”, me një bord emrash që spikasin në fusha dhe profesione të ndryshme, si dhe me një drejtues vizionar dhe i paepur në përkushtimin ndaj komunitetit, sic është Ermir Shimaj, të gjithë individë të respektuar të bashksëisë qyetare të Bushatit dhe të Vaut të Dejës, pa asnjë mëdyshme do të jetë misionare e solidaritetit vëllazëror si treguesi themelor për të cilën ka nevojë njeriu dhe civilzimi modern.
