Lajmi për celjen e negociatave, padyshim është një sensacion pozitiv për Shqipërinë dhe shqiptarët, të cilët gjatë këtyre tre dekadave e kanë parë veten të mënjanuar dhe të cfilutur në betejën e tyre përafruese me familjen e vlerave europiane, aty, ku shqiptarët kahmoti e kanë si aspiratë të tyre.
Lidhur me këtë lajm, politika shqiptare ka këndvështrime të ndryshme, dhe kjo për arsye të propagandës së vazhdueshme dhe keqpërdorimit ekstrem që qeveria është përpjekur ti bëjë këtij procesi, duke u përpjekur ta kapitalizojë në përfitime politike.
Pikërisht këtë ka patur në mendje kreu i legalistëve Shpëtim Axhami, i cili teksa përmes deklaratës së shpërndarë për mediat, ka përshëndetur vendimin e Këshillit të Ministrave të Jashtëm të Europës, ka evidentuar kontributin dhe rolin kontsruktiv të partisë që ai drejton në procesin e hapjes së negociatave, si një qëndrim që dëshmon luajalitetin e PLL në objektivat madhore të vendit.
Axhami, në deklaratën e tij, u ka kujtuar palëve politike detyrimet që rrjedhin në vazhdim, pasi një ‘Po” për celjen e negociatave duhet përkthyer me veprime konkrete nga të gjithë aktorët, vecanërisht nga qeveria, pasi kushtet e vendosura lidhen me reformat kyce dhe zgjidhjen e krizës politike.
Më tej, kryelegalisti ka shtuar: Eshtë detyrë e qeverisë të nis, sa më shpejt të jetë e mundur, zbatimin dhe kryerjen e detyrave të lēna”, – duke i kujtuar kryministrit se ai është përgjegjësi kryesor në dështimin dhe zvarritjen e deritanishme të përgjigjes pozitive nga vendet e BE për celjen më herët të negociatave.
Urojmë që “PO”-së, të i përgjigjemi me PO!
PLL si gjithmonë ka shprehur vullnetin dhe kontributin e saj, në lidhje me hapjen e negociatave në lidhje me antarësimin e Shqipërisë për në BE.
Sot ne mirëpresim lajmin, që Këshilli i Ministrave të Jashtëm të Europës ju dha shqiptarëve në këto ditë të vështira dhe konfirmoi se Europa është me ne.
Një “po” nga Bashkimi Europian por duhet që kushtet dhe parakukushtet të përmbushen nga qeveria.
Vendimi i sotëm hap në parim dritën jeshile, nderkohe thotë qartë dhe shkoqur, deri në përmbushjen e kushteve nuk ka nisje negociatash por ka thjeshtë vullnet nga ana e BE.
Eshtë detyrë e qeverisë të nis, sa më shpejt të jetë e mundur, zbatimin dhe kryerjen e detyrave të lēna.
Çdo neglizhence dhe çdo anashkalim i zbatimit të kushteve nga ana e qeverisë do te bente që ne perseri të ngelemi larg BE dhe do ishte fatale për tu kthyer përsëri prapa.
BE foli qartë: PO në parim, qeveria të i pergjigjet me Po, kjo me hapa konkretë në zbatimi të çdo kushti të vendosur.
Nuk kemi kohe per te humbur duhet veprim konkret.