Kongresi i Partisë Socialiste ka zgjedhur 135 anëtarët e rinj të Asamblesë Kombëtare të kësaj partie, ku në fakt bie në sy rizgjedhja e veteranëve si Qazim Sejdini apo Vangjush Dako.
Sipas të dhënave nga vetë PS-ja, Pjesëmarrja në votime ishte 85.3%, thënë ndryshe votuan 1242 delegatë nga 1456 të tillë.
Sipas PS-së, “këto votime treguan edhe një herë rritjen e përfaqësisë së vajzave/grave në strukturat e partisë, të cilat do të përbëjnë 45.2% të Asamblesë Kombëtare”.
Kongresi i PS-së u zhvillua në tre ditë, ku e para iu dedikua grave, e dyta votimeve dhe fjalimeve të drejtuesve, ndërsa dita e sotme ishte ajo e rinisë.
Në këtë Kongres kreu i qeverisë Rama shpalli dhe thirrjen për mandatin e tretë, ku tha se beson se do të marrë 800 mijë vota nga ana e qytetarëve.
