Kryetari i Amëzës së Shqiptarëve në Serbi, Demo Berisha, përmes rrjetit social në Facebook ka njoftuar se ka takuar disa nxënësve nga Kosova, nga komuna e Ranillukut dhe Perteshit në selinë e Qeverisë së Vojvodinës.
“Sot pata nderin që të jem prezent në selinë e Qeverisë së Vojvodinës me rastin e mirëpritjes së disa nxënësve nga Kosova respektivisht nga komuna e Ranillukut dhe Perteshit. Organizimi i kësaj vizite është bërë nga Organizata e Kryqit të Kuq dhe Amëza e Shqiptare në Serbi”, ka shkruar ai në Facebook.
Në këtë rast Amëza e Shqiptarëve, shtroi një darkë solemne në restaurantin Evropa në shenjë respekti e mikpritjeje për bashkëvendësit nga Kosova.
Berisha theksoi se, ky është viti i pestë organizata të cilën e drejton, mirëpret bashkëvendësit me organizime të tilla.
Pjesëmarrës ishin edhe Kryetar i Ranillukut Vladica Aritonovic, Dragan Petkovic Kryetar i Parteshit dhe Nënkryetari i Ranillukut Davor Petkovic me bashkëpunëtorë të tyre.
