Tashmë, kur fushata për zgjedhjet vendore të 30 qershorit po shkon drejt javës së fundit, kandidati i pavarur për bashkinë e Lezhës, Eduart Ndocaj, përmes takimeve direkte me banorët, si dhe përmes shpalosjes së progarmit të tij për “rimëkëmbjen e Lezhës”, sic e quan ai, e ka vënë theksin kryesisht në përmirësimin e infrastrukturës së rrugëve, të ujësjellësve, kanalizimeve, por në mënyrë specifike tek objektet arsimore, për të cilat premton një standard europian të tyre.
Këtë premtim, Ndocaj e bëri, teksa inspektoi ambientet e jashtme para shkollës “Hydajet Lezha”, ku sipas pamjeve të ofruara, ngjan me një rrënojë, e degdisur në rrezik evident për fëmijët dhe pa ndonjë rol për qëllime zbavitëse dhe argëtuese.
Duke denoncuar shpërdorimin e madh që i bëhet fondeve për mirëmbajtjen e tyre, Ndocaj premtoi përshtatjen e këtyre ambienteve në mjedise clodhëse dhe funksionale për zbavitje dhe aktivitete sportive, si dhe garantoi qytetarët lezhianë, se i gjithë sistemi arsimor i Lezhës do të ketë objekte moderne, me sistem ngrohje dhe ajrosje të niveleve europiane.
Eduart Ndocaj, gjatë kësaj fushate, ka sjellë mjaft risi, ku ai me stafin e tij, nuk ka qëndruar thjeshtë në kuadrin e denoncimeve të fakteve, por dhe ka shtruar një alternativë serioze, konkururese dhe ambicioze për Lezhën dhe strategjinë e saj ët zhvillimit ekonomik, social dhe kulturor.
