Pasi qytetarët tropojanë, ditën e djeshme kanë hyrë në ambientet e KZAZ në Pallatin e Kulturës në Bajram Curri, duke hequr që aty materialet zgjedhore, dhe duke i hedhur ato në rrugë, policia ka bërë diten e sotme arrestimin dhe shoqërimin e disa personave, duke nxitur precipimin e mëtejshëm të situatës, e cila mund të agravojë në një përplasje mes qytetarëve dhe uniformave blu.
Burime konfidenciale për InfoPressAlbania/, bëjnë me dije se pas shoqërimit dhe marrjes në pyetje të 7 personave, 5 prej tyre janë lënë në gjendje të lirë, ndërsa janë shpallur në kërkim policor ish-deputetët Isuf Çela dhe Azgan Haklaj.
Duke njohur specifikat dhe dinamizmin e ngjarjes, një vendim i tillë nga ana e policisë, duke shpallur në kërkim dy ish-deputetë në legjislatura të ndryshme të kësaj zone, padyshim nuk i shërben qetësimit të situatës, por, përkundrazi krijon premisa për një acarim të mëtejshëm.
