Ditët e fundit, kandidati i i pavarur për bashkinë e Lezhës, Eduart Ndocaj, është bërë objekt i një sulmi të pështirosur, ku makineria propagandistike dhe teknologjike përmes portaleve të financuara dhe të menxhuara nga segmente të qeverisë, kanë fabrikuar në adresë të tij, sms dhe komunikime të paqena, duke synuar njollosjen e integritetit të tij në prag të zgjedhjeve të 30 qershorit.
I avantazhuar për një fitore të mundshme dhe spektakolare në bashkinë e Lezhës, Ndocaj ka replikuar ashpër me rivalin e tij Pjerin Ndreu, duke e akuzuar drejtpërdrejtë për përfshirje në këtë skenar, si metodë mjeranësh që të vetmen alternativë kandidimi kanë cënimin e integritetit dhe baltosjen e rivalëve.
Ditën e sotme, Ndocaj ka bërë publike një komunikim me njeriun ‘virus”, sic e quan ai, Endri Fugën, ndaj të cilit “kaubojsi” nuk ka hezituar ta akuzojë si ideatorin e këtyre sulmeve.
Përmes komunikimit me Fugën, shihet qartë vendosmëria e Ndocajt për të mos lejuar askënd të cënojë integritetin e familjes së tij, të cilën Ndocaj e konsideron të shenjtë dhe është i prirur të sfidojë cdonjërin që ka synime denigruese ndaj familjes së tij.
Ndiqeni të plotë reagimin e tij:
Miqtë e mi!
Kjo fushatë më ka vendosur përballë horrave të rilindjes, të cilët duan të marrin votat e qytetarëve me cdo formë dhe mjet të mundshëm. Unë, prej kohësh i njoh në filozofi dhe në shpirt këta horra, ndaj dhe jam i përgatitur për tu përballur me makinerinë e shpifjes dhe të baltosjes që prodhon virusi që paguhen me taksat e shqiptarëve, Endri Fuga, i cili fshihet prapa portaleve dhe që bëjnë lojë të pistë në favor të kandidatëve të rilindjes.
Unë e kam zbuluar këtë horr, por dua ti bëj me dije, se unë Eduart Ndocaj jam i vendosur ti shkoj deri në fund betejës sime elektorale, pasi mua më kanë ftuar qytetarët lezhianë për të qenë në këtë betejë. Dua ti bëj me dije, Fugës dhe cdo fuge tjetër, të qëndrojnë larg cënimit të integritetit tim familjar, pasi unë njoh dhe cmoj shenjtërinë e institucionit të familjes dhe nuk do lejoj që morracakë të tillë përmes sulmeve dhe fabrikimeve të ndryshme të synojnë prekshmërinë e dinjitetit tim familjar.
