Gazeta prestigjioze gjermane ‘Bild’ ka publikuar disa audio-përgjime nëpërmjet të cilave pretendohet se Astrit Avdylaj, pjesë e grupit kriminal të Shijakut, mbledh vota në favor të kryebashkiakut të Durrësit, Vangjush Dako.
Në përgjim shfaqet biseda me drejtorin e Ujësjellësit të Durrësit, ku aludohet për presion për blerje votash të punonjësve.
Më herët u publikua edhe një bisedë mes vetë Avdulaj me Dakon.
Përgjimi
Astrit Avdylaj: Mirëmbrëma, Astriti jam.
Drejtor i Ujësjellësit në Durrës: Astrito si ja çove, si je, ça bën ti?
Astrit Avdylaj: Mirë faleminderit, ju mirë?
Drejtor i Ujësjellësit në Durrës: Mirë, rrofsh, ja sa erdha në shtëpi.
Astrit Avdylaj: Dëgjo tashti, unë isha një çik sot te ai në Durrës (Vangjush Dako). Jam këtu me Elton Arbanën dhe me Dor Gallarin, edhe nesër kur të kesh kohë ti, du me fol një çik, tu pa listën, ça ke aty punonjës, edhe kundra që mund ti kesh të PD-së aty, ndonjë aty te puna.
Drejtor i Ujësjellësit në Durrës: E kuptoj.
Astrit Avdylaj: I du të gjithë ata emra që mund të kesh kundra.
Drejtor i Ujësjellësit në Durrës: I kam ndarë unë, i ke të ndarë komplet.
Astrit Avdylaj: A ashtu, këtë kërkoj unë.
Drejtor i Ujësjellësit në Durrës: I kam bërë para unë, kështu që i ke gati.
Astrit Avdylaj: Eee ashtu. Kur të kesh kohë, se duhet me i thirr atyre që ti tundim nga një çik.
Drejtor i Ujësjellësit në Durrës: E kuptoj, s’bëhet fjalë fare.
Astrit Avdylaj: O te puna, o të na japin votën, ose të ikin te shpija.
Drejtor i Ujësjellësit në Durrës: As bëhet fjalë fare.
Astrit Avdylaj: Kupton?
Drejtor i Ujësjellësit në Durrës: I ke të ndarë, i kam bërë gati të gjitha. Edhe kush ka hyrë në punë, edhe kush ka qenë, i kam ndarë të gjitha komplet. I kam kështu me kompjuter të punume.
Astrit Avdylaj: Ok du të mi qethësh me një fjalë edhe… a më kupton?
Drejtor i Ujësjellësit në Durrës: Patjetër! Të bëj unë telefon nesër.
Astrit Avdylaj: Mirë vëlla, natën e mirë, na fal për..
Drejtor i Ujësjellësit në Durrës: Ça thu mo, çfarë na fal, i madhe je.
Astrit Avdylaj: Hajt natën e mirë vëlla.
