Kandidati për kryetar të bashkisë Lezhë, Eduart Ndocaj, ka qenë sot i angazhuar më fëmijët e lagjes “Gurra” të Lezhës, ndaj të cilëve ofroi mbështetjen e tij për zhvillimin e sportit tek këta të rinj, duke dhuruar disa topa futbolli.
Ndocaj, i njohur për mbështetjen e vazhdueshme që u jep kategorive të ndryshme sociale dhe kryesisht shtresave në nevojë, ka vënë theksin e tij në domosdoshmërinë e krijimit të mundësive reale për një infrastrukturë më të mirë në drejtim të zhvillimit të sporteve në këtë bashki.
Ai, nënvizoi, se në programin e tij, ka politika konkrete zhvillimore për këtë fushë, duke i dhënë një prioritet të qëndrueshëm vizionit për konsolidimin e zingjirit strukturor të sporteve në Bashkinë e Lezhës, ku rol parësor do marrin investimet në ambiente sportive, në logjistikë si dhe në nxitjen e talenteve përmes akordimit me mbështetje financiare.
Ndocaj, në vijim pritet të marrë takime të tjera të rëndësishme, duke shpalosur pjesë të vizionit të tij për zhvillimin ekonomik të Lezhës, si dhe duke komunikuar drejtpërdrejtë me qytetarët lezhianë.
sipas sondazheve të kryera peridiokisht nga media të ndryshme, Ndocaj kryeson bindshëm ndaj rivalit të tij, duke shkuar i sigurtë drejt fitores si kryetar bashkie në zgjedhjet e 30 qershorit.
