Pas regjistrimit të tij në KQZ si kandidat i Aleancës Demokristiane për kryetar të bashkisë Lezhë, Eduart Ndocaj e ka ndarë me ndjekësit e tij këtë sensacion, duke e konsideruar emocion të veçantë, por njëkohësisht dhe përgjegjësi të lartë faktin e kandidimit për kryetar bashkie.
Në këtë komunikim, Ndocaj njofton bashkëqytetarët, se ai përmes një ekipi ekspertësh të mirënjohur, vendas dhe të huaj, ka hartuar një program ambicioz dhe të detajuar sipas fushave, i cili do ti shërbente perspektivës zhvillimore dhe ngritjes ekonomike të bashkisë Lezhë.
Më pas Ndocaj, nuk ka hezituar të shigjetojë kandidatin socialist për këtë bashki, duke e konsideruar një përfaqësim të pavlerë dhe të padenjë për Lezhën, pasi, ai, gjatë këtyre viteve si deputet i këtij qyteti, nuk ka arritur të sjellë asnjë investim, por thjeshtë është sorrollatur nëpër qytet si karagjoz, duke demontsruar një karakter prej një arroganti.
Në vijim të shigjetiimit të tij, Ndocaj, e ka ftuar kandidatin socialist Ndreu, të zhvillonte një debat publik në studiot e njërit prej kanaleve televizive më të ndjekuara, me qëllim ballafaqimin real të ideve dhe programeve që kanë në funksion të zhvillimit të kësaj bashkie.
Për më shumë ndiqni video-komunikimin:
