Paraditen e sotme në orën 11:00, Partia Demokratike dhe aleatët e saj do të prezantojnë një program të detajuar se cilat do të jenë detyrat e qeverisë tranzitore, ku në thelb mbeten sigurimi i zgjedhjeve të lira.
Paradite në 11 do të shpalosim bashkë me koalicionin tonë opozitar detyrat e qeverisë tranzitore për të garantuar zgjedhje të lira dhe të ndershme dhe ndërkohë po punojmë intensivisht për programet tona politike, ekonomike, ofertën tonë për shqiptarët jo vetëm për ta nxjerrë vendin nga kriza por për tu dhënë siguritë, mundësitë për një jetë dinjitoze me mundësi për punësim dhe mirëqenie për të gjithë, ka thënë Basha. Të mërkurën pas takimit në selinë e LSI-së me kryetaren e kësaj partie Monika Kryemadhi, Basha i dha edhe një herë përgjigje kërkesës së aleatëve të tij të qendrës së djathtë për tu ulur në dialog me kryeministrin Edi Rama.Asgjë nuk ka ndryshuar në qëndrimin e opozitës së bashkuar dhe të koalicionit tonë politik, koalicionit më të madh, mazhorancës së re numerike, politike dhe morale të vendit. Largimi i Edi Ramës është kusht i panegociueshëm për ti hapur rrugën dialogut politik që do të çojë drejt qeverisë tranzitore detyrat e të cilës do ti shpalosim nesër në 11, tha kreu i opozitës.
3
