Drejtoria e Standardeve Profesionale ka firmosur përjashtimin nga radhët e Policisë së Shtetit të Taulant Gjokës, ish-zëvendësdrejtor për Rendin në Drejtorinë Vendore të Policisë Lezhë. Gjoka, i cili më herët ishte transferuar në Shkodër, tashmë është larguar përfundimisht nga struktura e policisë.
Burime zyrtare bëjnë me dije se, paralelisht me këtë masë ekstreme, janë ndërmarrë edhe ndëshkime të tjera disiplinore ndaj drejtuesve të policisë.
Mes tyre është edhe Altin Mena, ish-drejtor i Policisë së Lezhës dhe një nga emrat që ishte në garë për drejtimin e Policisë së Shtetit. Ndaj tij është vendosur masa e uljes në gradë për një periudhë pesëvjeçare.
Vendimet vijnë në kuadër të verifikimeve dhe procedurave disiplinore të ndërmarra nga strukturat përgjegjëse të Policisë së Shtetit.
