Deputeti i Partisë Demokratike, Belind Këlliçi në një dalje televizive ka folur për protestën e nesërme. Këlliçi tha se në protestën e nesërme pritet një prezencë e shtuar e qytetarëve.
Më tej, deputeti demokrat tha se qytetarët kërkojnë një përballje më të fortë me efektivët.
Duke folur për skenarët e protestës, Këlliçi tha se ai vetë ka kërkuar ngujimin në sallën e Kuvendit për ta radikalizuar më tej aksionin politik.
“Presim që të kemi një prezencë shumë të madhe të qytetarëve, kryesisht atyre të Tiranës në pjesën dërmuese. Protesta do të nisë rreth orës 18:00. Jam i bindur që nuk do të ngjasoëj me protestat e para për shkak të reagimit të qytetarëve, kërkesës që kemi në mënyrë të shtuar nga qytetarët që marrin pjesë, për të pasur një përballje më të fortë me ata që vetëquhen forca të rendit, por vetëm si të tillë nuk sillen. Unë hyj te një ndër deputetët që dhe vetë kam kërkuar ngujimin në sallën e Kuvendit, nuk e fsheh. Mendoj që do të ishte një hap i parë i domosdoshëm. Hyj te deputetët që kam kërkuar radikalizim të aksionit politik”, tha Këlliçi.
