Nga Shpetim Axhami, kryetar i PLL
Regjimi komunist në Shqipëri ka një bilanc të përgjakshëm, masakra, pushkatime, kryengritje të shtypura me dhunë, burgje, kampe përqendrimi vrasje me gjyq e pa gjyq, vrasje politike që në lindje dhe deri në fund të diktaturës,
Këto krime fillimisht me atentate të pabesa guerilase duke vazhduar nga masakra e Gërhotit në Gjirokastër, e Buzmadhës dhe Novosej Kukësi, Masakra e Tivarit, vrasja pa gjyq e intelektualëve të Tiranës në Nëntor-Dhjetor 1944, shtypja e përgjakshme e kryengritjes së Postribës, e Zhabokikës, e Valmirës Mirditë, pushkarimi i dhjetra e qindrave intelektualëve dhe klerikëve, inskenimi me ambasadën Ruse, kujtojmë vrasjen e shkenctares Sabiha Kasimati, vuatjet e Musine Kokalarit, kujtojmë shtypjen e përgjakshme me varje e pushkatime të kryengritjes në burgun e Spaçit dhe të Qafës së Barit, e deri tek pushkatimi edhe i poetëve Gëzim Blloshmi e Gjergj Leka duke përfunduar tek varja e antikomunistit poet Havzi Nela,
Bilanci i përgjakshëm i komunizmit shtrihet edhe me kampet e përqëndrimeve nga Tepelena e deri në Savër e Gradisht Lushnje dhe me shumë të vrarë me gjyq e pa gjyq të cilëve sot nuk ju dihen as eshtrat se ku i kanë.
Këto dhe të tjera janë janë plagë reale, me data, me emra, me viktima të pafajshme të gdhendura dhe që dihen.
Për ironi të fatit dhe në mënyrën më të turpshme, asnjëherë zyrtarisht dhe mediatikisht këro data e masakra nuk kujtohen ashtu si meritohet dhe duhet, sepse vetë të parët e tyre i kanë bërë këto.
Përballë gjithë këtij krimi komunist dhe shtetëror sistematik, propaganda komuniste ngrihet o burra dhe zgjedh ngjarjen e 4 Shkurtit, duke tentuar të relativizojë, të barazojë dhe në fund të justifikojë terrorin që vetë ushtroi për dekada mbi popullin shqiptar, ndërkohë kur është shpjeguar fare mirë se si dhe pse ka ndodhur ngjarja e 4 Shkurtit dhe sa të vrarë kemi egzaktësisht në këtë ngjarja.
Kjo nuk është kujtesë historike, është manipulim.
Masakrat e komunizmit janë fakte historike, nuk duhet të lejojmë që historia të përmbyset.
