Bebe Rexha është rikthyer në qendër të vëmendjes pas një debati të ashpër në platformën X, ku një koment i saj mbi ndikimin e luftërave te civilët ndezi diskutime të forta.
Këngëtarja, e njohur për qëndrimet e saj të hapura në çështje sociale, shkroi se “gratë dhe fëmijët janë ata që vuajnë më shumë nga konfliktet e shkaktuara nga burrat”, deklaratë që u prit me reagime të pafundme.
Mes kritikave të shumta, më i ashpëri ishte ai i një përdorueseje të quajtur Morgan, e cila e akuzoi Rexhën se po denigronte burrat dhe shtoi një provokim të drejtuar ndaj komunitetit të fansave të artistes.
Komenti shkaktoi reagimin e menjëhershëm të Bebe Rexhës, e cila e rishpërndau postimin dhe iu përgjigj drejtpërdrejt.
Në reagimin e saj, Rexha e cilësoi ndjekësen “toksike” dhe i kërkoi të largohej nga profili i saj.
Fansat e mi e dinë shumë mirë që kjo nuk ka lidhje me komunitetin tim gay. Dhe për ‘s’je më relevante’? Ti je në faqen time, ndaj dikush nga ne dy qartësisht është relevante -shkroi ajo.
Artistja theksoi se nuk ka ndërmend të heshtë përballë negativitetit online dhe se shpesh zgjedh të reagojë për të vendosur kufi.
Nuk kam ndërmend t’i lë njerëzit toksikë të shpërndajnë negativitet. Dikush duhet t’u tregojë vendin -u shpreh Bebe Rexha. Debati ka ndarë opinionet e ndjekësve në rrjet, por ka rikonfirmuar një fakt: Bebe Rexha nuk e shmang përballjen dhe mbetet e vendosur të mbrojë publikisht qëndrimet e saj.
