Hetimet e SPAK për tynelin e llogarasë sipas dosjes hetimore kanë nisur me denoncimin e bërë nga Lulzim Basha.
Përgjimet kanë zbuluar një sërë bisedash në përgatitjen e tenderit të parë dhe që më pas u anuluar. Fillimisht ka qenë kompania Kupa e cila ka parë paqartësi në fondin e punimeve të mëparshme duke shtruar pyetjen nëse ishte nga 0 në 50për qind të fondit limit.
Sipas dosjes hetimore palët e përfshira në tenderin kanë komunikuar mes njëri tjetrit duke sqaruar se duhet as më pak e as më shumë por 50 për qind të shu,ës
Më tej përmes telefonit të sekuestruar Ervis Berberit zbardhën dhe bisedimet me ministren Belinda Balluku
“Në datën 5 mars 2021 Berberi i dërgon mesazh Belinda Ballukut:
“Më mori Gysi për t’u mbledhur nesër për të parë dokumentat e tunelit se po i kalon koha. Kemi ndonjë deadline dhe target?”
Në lidhje me këtë SPAK zbulon se është telefonuar nga Ergys Verdho dhe më tej Berberi i ka telefonuar Arta Gurabardhit.
Në datën 17 shkurt Balluku i dërgon mesazhet ndërsa bisedohet për aplikimin nga kompania Gjoka dhe plotësimit të kritereve të këtij subjekti.
“Po tuneli? E mbyllët?”
Berberi: “Jo, është rëndë. Flasim live, mos shkruajmë.”
Balluku: “Ok.”
Duket se në këtë situatë dhe Berberi ka dashur të mos lërë gjurmë.
ndërsa Bisedat vijojnë
Balluku: “Gjoka punët e ngjashme i ka si nënkontraktor?”
Berberi: “Po, i vetes te Rruga e Arbrit. Po ja ka njohur MIE.”
Balluku: “Kur ia ka njohur? Dhe pse?”
Berberi: “Është krijuar SPV për koncesionin dhe SPV është Gjoka 87, ndërsa punimet i kryen Gjoka Construe Construction. Gjoka Construction është nënkontraktor i deklaruar në MIE. Pse dhe si janë njohur punët, s’di.”
Më vonë Balluku kërkon takim me Berberin, por që duket se nuk u realizua
Balluku: “Je larg?”
Berberi: “Jo, të vij?”
Balluku: “Hajde.”
Berberi: “Erdha.”
Balluku: “Hajde se u çmenda… është komplet memorie.”
Berberi: “Erdhaa.”
Berberi: “Më tha Arta ta takoj se kishte folur me ty?”
Balluku: “Nuk besoj që do shtojë gjë, po një sy tjetër nuk është keq, Viola sikur nuk ishte dje me ju.”
Berberi: “Takova Artën, po se kuptove se i gjithë diskutimi ishte kur do e nxirrni vendimin. Kur duhet të dalë.”
Belinda: “Mendoj ta anulojmë. Skualifikojini të gjithë.”
Berberi: “Jam mëse dakord se kam diçka që s’më kuadron në gjithë situatën. Kur e do sot apo nesër. Megjithëse nëse të duhet ja këndoj këngën, s’ma ndjen shumë për asnjë dhe e çoj ku duhet.”
Balluku: “Jo jo, kam atë ndjesinë time që nuk duhet.”
Berberi: “E të frikshme ndjesinë. Kur e do?”
Balluku: “Më jep afatet nëse e shpallim nesër.”
Berberi: “Max 24 mars ankimi në MIE, më 25 i kthejmë përgjigje. Max 4 prill ankohet në KPP dhe min 14 prill max 22 prill kthen përgjigje KPP. Duhet ta rishpallim përnjëherë që t’i djegim afatet e ankimit në gjykatë.”
Balluku në datën 18:
“Po si ke lajmëruar të tjerët për anulim? Mbylleni sot me urgjencë.”
Berberi: “Po Gysin. Sot e ke të mbaruar.”
Në orën 17 Berberi e njofton: “E mbyllëm.”
Në datën 18 komisioni ka bërë vlerësimin duke skualifikuar gjithë ofertat.
