Presidenti ukrainas Volodymyr Zelensky njoftoi të martën se vendi i tij kishte marrë një sistem anti-ajror Patriot nga Izraeli, një pajisje me kosto të lartë të prodhuar në Amerikë, e nevojshme për të zmbrapsur sulmet raketore ruse ndaj vendit.
“Një sistem izraelit (Patriot) po vepron në Ukrainë , ka qenë në funksion prej një muaji,” tha Zelensky gjatë një konference për shtyp, pa specifikuar nëse Kievi e bleu apo e mori falas.
Përveç kësaj, Volodymyr Zelensky tha se zyrtarët e qeverisë ukrainase do të vizitojnë Shtetet e Bashkuara në fund të shtatorit ose tetorit për bisedime të përqendruara në ekonomi dhe armë.
Zelensky ishte në Shtetet e Bashkuara këtë javë, ku mori pjesë në Asamblenë e Përgjithshme të Kombeve të Bashkuara dhe u takua me Presidentin Donald Trump . Ai tha se ndan me presidentin amerikan “disa ide se çfarë mund të ndodhë” në përgjigje të veprimeve ruse, ndërsa u zotua të hakmerret nëse Moska shkakton një ndërprerje të energjisë në Ukrainë.
