Kryeministri Edi Rama ka artikuluar një mesazh që ngjall shqetësim për mënyrën se si po konceptohet fushata për zgjedhjet e pritshme në Bashkinë e Tiranës dhe më gjerë.
Duke përmendur mobilizimin e deputetëve sipas “territoreve, zonave, njohjeve që kanë”, Rama duket se po rikthen një strategji të njohur: patronazhistët si instrument presioni dhe kontrolli elektoral.
Në vend që të flasw pwr programet dhe vizionin urban Rama deklaroi se patronazhistët që “mezi po presin të hakmerren ndaj përqeshjeve të radhës” .
“Deputetët do të mobilizohen që të përfshihen drejtpërdrejt duke marrë pjesën e tyre të përgjegjësisë mbi shpatulla sipas territoreve, zonave, njohjeve që kanë. Duke mos pasur asnjë dyshim për këtë, nuk kam asnjë dyshim që patronazhistët mezi po presin që të hakmerren ndaj përqeshjeve të radhës me një reagim të duhur, i cili do të pasqyrohet në rezultatin e ditës së zgjedhjeve për Bashkinë e Tiranë kur ato të mbahen sipas procedurave, se nuk e vendosim ne ditën e zgjedhjeve.
Po flas për Tiranën, se pastaj për Matin, apo për Vlorën, Beratin, e te tjera, besoj që goditja e patronazhistëve atje do të jetë edhe më dëshpëruese se sa ajo e Tiranës. Sidoqoftë, prapëseprapë, do të zhvillohet një garë që do të zhvillohet kudo, sepse në fund të fundit, se ne për këtë jemi këtu, të fitojmë çdo garë që na del përpara me qetësinë më të madhe dhe bindjen se pavarësisht se ne jemi fitimtarë, jemi sepse vazhdojmë të zgjohemi më herët dhe të flemë më vonë se sa humbësit.” tha ai.
