Këshilli Bashkiak pas fjalëve të kryetarëve të grupeve të Këshilltarëve në mbledhjen për shkarkimin e kryebashkiakut të Tiranës Erion Veliaj, ka hedhur në votim propozimin për shkarkimin e tij.
Këshilltarët votuan për shkarkimin e tij si mazhorancë dhe opozitë.
Në mbledhjen e sotme të Këshillit Bashkiak për propozimin e shkarkimit nga detyra e kryebashkiakut Erion Veliaj, demokrati Ilir Alimehmeti u shpreh se do të votojë pro. Ai tha se socialistët janë bashkëfajtorë dhe duan t’ia fautorjnë fajin Veliajt, që është arrestuar.
Në mbledhje munguan 3 anëtarë të majtë të këshillit bashkiakë, si dhe Anuela Ristani, kryetare e komanduar.
Të premten, Veliaj i dërgoi një letër Këshillit Bashkiak duke kërkuar të marrë pjesë në mbledhje. Sekretari i Këshillit, Behar Zeneli iu përgjigj se në rast se kryebashkiaku nuk mund të paraqitet fizikisht në mbledhje, mund të dërgojë pretendimet me shkrim.
Kryetari i Bashkisë Erion Veliaj, akuzohet nga SPAK për korrupsion dhe abuzim me detyrën.
