45 vite, Drejtuesi i Arsimit që nga Puka e Migjenit e Tiranë
Sapo mësova nga një portal shkollor se miku im me shkelqim në arsim, Z.Tonin Doçi tashmë nis pensionin, sinqerisht u ndjeva më shumë keq sesa i gëzuar, pasi largohet një elitar i arsimit shqiptar, për mos tu zëvëndësuar me këtë brezin e arsimit që pason.
Prof.Tonin Doçi e mbyll karrierën e Tij në arsim sipas rregullave, por mungesa do jetë e madhe për eksperiencën e jo vetëm Toninit por të shumë Toninave – kolegë të cilët kanë forcë e energji të jenë pjesë e trupës arsimore.
Tonin Doçi, vjen nga Berisha e Pukës, profesori i matematik-fizik, pasuesi Migjenian në vëndlindje, si mësues e Drejtor, por shkelqimi i tij vjen e rritet në metropol në Tiranë, gjithnjë si drejtues i arsimit.
Ndërsa Ai sot e mbylli nga Shkolla 9-vjeçare “Kamza e Re, e cila ka uruar me mirënjohje drejtorin Tonin Doçi për daljen në pension, ku stafi pedogagjik, nxënësit dhe komuniteti e falënderuan për përkushtimin dhe arritjet ndër vite, duke i uruar shëndet e jetëgjatësi, qetësi dhe ditë të bukura në këtë kapitull të ri të jetës.
I dashur prosor Tonin Doçi! Ju sot u pensionuat, duke mbetur krenari brezash në arsimin shqiptar, duke të uruar qofsh jetëgjatë dhe i lumtur familjarisht.
Nga AgronPREBIBAJ
