Këngëtarja Besa Kokëdhima i ka dhënë fund beqarisë në një dasmë sekrete. Në një ceremoni ndonëse private me pak të ftuar, familjar dhe miq, në Dhërmi, këngëtarja u kurorëzua në një natë magjike.
Çifti është martuar më 14 shtator në një ceremoni tejet private, ku të ftuarve u është kërkuar të mos publikojnë foto apo video nga momenti i veçantë. Vetë ajo është treguar tejet diskrete lidhur me partnerin e saj, por mësohet se djali që i ka rrëmbyer zemrën quhet Tedi Tase, i cili është edhe menaxheri i saj.
Burime bëjnë të ditur për zhvillimin e kësaj ceremonie, ndërsa edhe vetë Besa ka dhënë disa sinjale ditën e sotme përmes postimi të saj në rrjete sociale.
