Ish-deputeti dhe biznesmeni i njohur Eduart Ndocaj ka ndarë sot një mesazh të ndjerë dhe plot emocione me rastin e ditëlindjes së nënës së tij të dashur. Në një urim publik, ai shpreh mirënjohje të thellë dhe dashuri të pafund ndaj nënës që e ka rritur me përkushtim dhe dashuri të pakufishme.
“E shtrenjta Nëna ime… gëzuar ditëlindjen! Ti je bekim për këdo që të ka pranë vetes”, shkruan Ndocaj, duke nënvizuar se çdo sekondë e jetës që ajo i ka dhuruar atij ka qenë thelbësore në formimin e njeriut që është sot.
Ky mesazh, përveçse një urim personal, përçon vlera të forta familjare dhe ngre lart figurën e nënës shqiptare – të palodhur, të dashur dhe gjithmonë të pranishme në jetën e fëmijëve të saj. Eduart Ndocaj, përmes këtij gjesti të thjeshtë e fisnik, kujton të gjithëve rëndësinë dhe shenjtërinë e nënës.
Mesazhi i plotë:
E shtrenjta Nëna ime…gëzuar ditëlindjen! Të të them që je Nëna më e mira në botë, nuk do të bënte aspak çudi sepse cilado nënë e tillë është për fëmijën e saj. Të të them sa shumë të dua, edhe kjo është një gjë shumë normale, çdo fëmijë e do nënën e tij. Ajo që unë nuk do të rresht kurrë së bëri është të të falenderoj për çdo sekondë të jetës tënde që më je dedikuar mua dhe do të lutem që këto sekonda të zgjasin sa më shumë, sepse unë pa ty nuk do të isha ky që jam dhe jam i sigurt që për sa më shumë kohë të të kem pranë, aq më me vlerë do jenë ditët, muajt, jeta ime. Ti je bekim për këdo që të ka pranë vetes Nëna im. Gezuar 👑🥂🙏
