Ajo është një ndër figurat më të komentuara të showbizit shqiptar. E kemi njohur në “Big Brother Albania 6” dhe në “Big Brother VIP 3”. Është fjala për Rike Roçin, e cila së fundmi është duke bërë një film.
“Pushime On Top” ka qenë në prapaskenat e këtij filmi dhe Lei Kraja i ka bërë një intervistë Rikes. Kjo e fundit është producente e filmit së bashku me moderatoren e njohur, Erjola Doçi.
Por jo vetëm kaq, pasi pjesë e këtij filmi është edhe aktori i njohur, Julian Deda.
Është eksperienca jote e parë në një film në Shqipëri? Gjithmonë ke ëndërruar të jesh aktore apo erdhi spontanisht?
Në Itali jam marrë me teatër, në një teatër të vogël të Milanos. Aktrimin e kam patur gjithmonë pasion edhe pse nuk e kam treguar këtë gjë në Shqipëri. Po, është filmi im i parë si përvojë, është një eksperiencë shumë e bukur, shumë e lodhshme, shumë stres, duhet shumë nerv. Gjëja që nuk duhet të mungojë është kurajo. Duhet të jesh shumë e fortë për të marrë në iniciativë të tillë.
Ndërkohë ke shumë surpriza pasi je dhe producentë, sa gjëra ke ti që ne publiku nuk i dimë?
Faktikisht publiku më njeh thjesht si ajo vajza e bukur, bionde dhe seksi. Po kush është ngushtë me mua, shoqëria, familja dhe kush punon me mua, e di që unë kam karakter shumë të fortë dhe pak si djalë. Pastaj në publik, çdo personazh nuk është se tregon realisht si është 100 për qind në realitet.
Si vendose të ishe producente e këtij filmi?
Që nga momenti që jam rikthyer në Shqipëri për të qenë pjesë akoma si person publik, kam thënë se do të rikthehem për tu marrë me filma. Ka qenë gjithmonë ëndrra ime. Kam qenë në shtëpinë time me Erjolën dhe i thashë rikthimi im është se dua të bëj një film. Erjola më sheh dhe më thotë ‘pse nuk e bëjmë bashkë?’. E kështu nisi dhe kemi gati jo 1 vit që po punojmë për këtë projekt, jemi bashkë të dyja.
Në kast është ndonjë tjetër i famshëm?
Kam Erjolën që është edhe producentë bashkë me mua, e nuk mund të mungonte Jul Deda.
Jam kurioze, a ka bërë audicione Egla Ceno për të qenë pjesë e filmit?
Jo, se kishim menduar. Me shumë respekt për talentin që ka Egla, por jo nuk ishte.
Një film që ka romancë, dramë, aksion, në cilën pjesë je ti?
Personazhi im është si në romancë, aksion dhe në dramë.
Skena më e vështirë për ty?
Ka qenë pak romanca sepse duhej të krijoja këtë kiminë me partnerin, por pastaj u ambientova mirë.
Ajo e aksionit, e kam shijuar shumë dhe e kam bërë me shumë qejf
