Një ngjarje e rëndë ka ndodhur mbrëmjen e djeshme në Mat, ku një 23-vjeçar është gjetur i pajetë pranë liqenit të Shkopetit.
Lajmi u konfirmua nga Policia e Shtetit, pasi babai i të riut, shtetasi R. D., bëri një kallëzim në Komisariatin e Policisë Mat, duke raportuar mungesën e djalit të tij, gjithashtu me inicialet R. D.
Dhe menjëherë pas kallëzimit, shërbimet e Policisë nisën kërkimet për gjetjen e 23-vjeçarit. Pas disa orësh kërkime intensive, trupi i pajetë i të riut u gjet pranë liqenit, ndërkohë që dyshohet se automjeti i tij ka rënë në ujë.
Mat/Informacion paraprak:
Mbrëmjen e djeshme, është paraqitur në Komisariatin e Policisë Mat, shtetasi R. D., i cili ka kallëzuar se djali i tij, shtetasi R. D., 23 vjeç, nuk ishte kthyer në banesë.
Shërbimet e Policisë kanë nisur menjëherë kërkimet për gjetjen e 23-vjeçarit. Pas disa orësh kërkime, shërbimet e Policisë kanë gjetur trupin e pajetë të 23-vjeçarit, pranë liqenit të Shkopetit, ndërsa automjeti i tij dyshohet se ka rënë në liqen.
Në lidhje me këtë rast është ngritur një grup i posaçëm hetimor dhe në drejtimin e Prokurorisë vijojnë hetimet për zbardhjen e rrethanave dhe dokumentimin ligjor të rastit.
