Modelja shqiptare Cindy Marina, partnerja e djalit të ish-kryeparlamentares, Jozefina Topalli, ka marrë pjesë për herë të parë në Festivalin e Filmit në Kanë, një prej eventeve më prestigjioze në botë për kinemanë.
Në një bisedë live në emisionin “Rudina” në Tv Klan, ajo ndau emocionet dhe përjetimet nga kjo eksperiencë e veçantë.
“Ishte një emocion shumë i madh kur e mora ftesën. Në fakt, kjo ishte hera e parë që unë kam marrë një ftesë për Festivalin e Filmit në Kanë dhe vërtet isha shumë e lumtur, dhe ishte një nder për mua që të isha atje në mes të yjeve të Hollywood-it, por jo vetëm. Ishte një eksperiencë shumë e bukur, isha aty për katër-pesë ditë”.
“Tapeti ishte vetëm një natë, sepse netët e tjera kishte më shumë filma dhe premiera. Unë kam përjetuar disa emocione shumë të bukura, kam parë një botë krejt tjetër. Kam parë një nga evenimentet që është një ndër më të mëdhenjtë në botë dhe e kam shijuar shumë.”
