Ish-ministrja e Integrimit, Majlinda Bregu ka marrë zyrtarisht detyrën e Komisioneres, në Komisionin Pan-Europian për Klimën dhe Shëndetin, të ngritur nga Organizata Botërore e Shëndetësisë.
Ka qenë vetë Majlinda Bregu e cila ka bërë me dije se ka marrë postin e ri si komisionere në OBSH.
“Së bashku me figura të njohura nga politika, shkenca dhe mjekësia europiane, të përzgjedhura nga rajone të ndryshme të kontinentit, do të punojmë për të ndërtuar politikat që Europa ka urgjentisht nevojë për të përballuar rreziqet dhe krizat e reja që po na prekin gjithnjë e më shumë.
Nuk është për klimën. Është për jetën.
Nga ajri që thithim dhe uji që pijmë, tek siguria ushqimore, valët e të nxehtit ekstrem, përmbytjet, tërmetet dhe përhapja e frikshme e sëmundjeve fizike dhe mendore,-ndryshimet klimatike janë kthyer në një krizë të shëndetit publik.
Mosha e mpreh perspektivën. Mirënjohëse për një vit më shumë & për mundësinë për ta përdorur kohën, përvojën dhe zërin, përtej vetes “- ka shkruar Bregu.
