Nga Adnan Ramadani, sekretar i marrëdhënieve me publikun i PLL në ShBA.
Këto votime që mbahen më 11 maj 2025 janë votime kombëtare dhe votohet me zgjedh përfaqësuesat tanë për në parlamentin shqiptar. Nuk asht referendum për Dr, Sali Berishën. Nëse doni me e kthye në referendum kthejeni në referendum për Edi Ramen.
Pyetjen vetes bëjani: a i ka mbajtur premtimet elektorale të tri radhëve të shkuara?
A e ka futur Shqipërinë në EB? A ka hapur 300,000 vende pune? A ka sjellë ujë të pijshëm 24 orë në ditë? A ka siguruar energji elektrike 24 orë në ditë? A ka luftuar bandat kriminale? A ka luftuar korrupsionin dhe krimin ekonomik? A ka mirëmbajtur qendrat historike të qyteteve të cilat i mbijetuan katrahurës komuniste? A i ka mbështetur Kosovën e qeverinë e saj në përpjekjet e tyre për konsolidimin e shtetit? A ka ndihmuar në zbutjen e kontradiktave krahinore? A na ka vjedhë sa i ka hangër krahu ai e qeveria e tij? A e ka gjysmën e kabinetit të tij në burg për hajni? A i ka të tjerë nga kabineti qeveritar në arrati në kërkim nga drejtësia përfshirë edhe zevëndës kryeministrin?
Përgjigjuni këtyre pyetjeve dhe nëse përgjigjet ju kënaqin votojeni hajnin e partinë e hajnave prap. Vetëm ta dini se ata s’vjedhin serbin a grekun por ju vjedhin ju.
Baballarët e tyre ju vodhën baballarëve tuaj rininë e lirinë. I mbajtën ata në pranga të kuqe për 50 vjet. Këta po ju vjedhin të sotmen tuaj e të ardhmen e fëmijëve tuaj të mirë. A nuk janë detyruar të lëshojnë vendin 1 milion bij e bija tuajët në 12 vitet e fundit?
Nëse kjo s’ju shqetëson, votojini prap hajnat! E përndryshe mendojeni edhe një herë situatën politike e më gjerë dhe votoni opozitën. Votoni Koalicionin për Shqipninë Madhështore. Shqipnia duhet shkëputur nga kthetrat e mafjes politike e politikanëve mafiozë.
Shqipnia asht e jona, e shqiptarëve që jetojnë dhe duan të jetojnë me djersë e nderë. Votoni drejt për hatër të Zotit e të fëmijëve tanë!
