Kreu i Partisë Demokratike, Sali Berisha, gjatë një konference për mediat, ka komentuar çështjen e pullave fiskale, duke theksuar shqetësimin për ndryshimet e bëra në këtë sistem.
Ai u shpreh se pullat fiskale të kompanisë zvicerane ishin të pajisura me teknologji smart, që parandalonin kontrabandën dhe mundësonin identifikimin e çdo shkeljeje përmes detektorëve.
Sipas Berishës, qeveria ka hapur dyert për kontrabandën duke i dhënë të drejtën për printimin e pullave një ndërmarrjeje të letrave me vlerë, duke hequr çdo garanci që ato ofronin për luftimin e këtij fenomeni.
“Pullat fiskale të kompanisë zviceriane kanë qenë smart dhe nuk lejonin me detektorë, zbulonin çdo kontrabandë. Ishin pulla me kod smart. Këta për t’i hapur dyert e kontrabandës ia dhanë printimit të tyre ndërmarrjes së letrave me vlerë duke hequr çdo garanci që kishin”, tha ai.
