Kryetari i Partisë Demokratike Sali Berisha gjatë vizitës së tij në selinë e Komunitetit Mysliman Shqiptar, ka uruar të gjithë besimtarët për festën e Fitër Bajramit.
Duke folur për mediat, kryedemokrati u shpreh se, qeverisja e PD-së pas 11 majit do të dyfishojë fondet për komunitetet fetare.
Berisha deklaroi se, do të bëjë gjithçka që është e mundur që pronat e komuniteteve fetare, që janë pronat më të plaçkitura në këto vite, të kthehen atyre që u takojnë.
Kryetari i PD-së, Sali Berisha theksoi në fjalën e tij për mediat, se do të vendoset si orar pushimi, koha e faljes së të premtes në xhami.
