Deputetët demokratë e cilësojnë mbylljen e rrjetit social TikTok një akt censure nga ana e qeverisë që vjen disa ditë përpara nisjes së fushatës elektroale.
Për Flamur Nokën, Rama do të mbahet mend në histori si armik i fjalës së lirë.
“Rama po bën censurë. Cfarë do të bëj do të mbetet në histori si armiku i fjalës së lirë dhe armiku i shqiptarëve”, tha Noka.
Në të njëjtin mendim ishte dhe Luçiano Boçi i cili ka dhe disa pyetje drejtuar kryeministrit Rama.
“Po e mbyll përpara fushatës. Rama kërkon të edukojë TikTok? Përse nuk ndodh si në vendet e tjera ku aplikohen filtrat në platformë kundër dhunës”, tha Boçi.
Ndërkohë edhe kreu i PD-së, Sali Berisha i është bashkuar të rinjve të Partisë Demokratike në protestën e tyre kundër mbylljes së Tik Tok.
Berisha shoqërohet nga disa deputetë të Partisë Demokratike, ndërsa të pranishëm janë edhe përfaqësues të Partisë së Lirisë.
