Prof. Vuksani: Të nderuar demokratë të Qarkut të Lezhës!
Dua të ndaj me Ju vëndimin tim, që të kandidoj në primaret e PD-së si kandidat për deputet.
Që nga themelimi i Partisë Demokratike, kam dhënë një kontribut të pandërprerë, duke mbetur gjithnjë i palëkundur në bindjet dhe vlerat e mia të djathta, pa bërë asnjëherë kompromis për pazare politike.
Në cilësinë e Drejtuesit të Departamentit të Bujqësisë në PD, synimi im kryesor politik dhe profesional është që qeverisja e ardhshme demokratike të hartojë dhe zbatojë një projekt të plotë për t’i dhënë zgjidhje përfundimtare problemit të përmbytjeve në Lezhë dhe Kurbin.
Gjithashtu, do të angazhohem maksimalisht për zhvillimin e zonave rurale, mbështetjen e bujqësisë dhe mbrojtjen e mjedisit, sfida këto që kërkojnë një vizion të qartë dhe veprime konkrete.
Shpresoj se mbeshtetja për çdo kandidat duhet të bazohet në synimin për të zgjedhur një ekip kompetent dhe përfaqësues, i cili do të jetë fitues përballë kundërshtarit tonë politik.
Të dashur demokratë, besoj në mbështetjen tuaj, e cila është ndërtuar mbi bashkëpunimin dhe besimin që kemi krijuar gjatë këtyre 34 viteve.
Me mirenjohje,
Prof.Dr.Gjok Vuksani
