Një debat i fortë ka ndodhur në shtëpi ditët e fundit mes Gertës dhe Rozanës.
“Jam nënë e dy fëmijëve dhe kam atë që nuk e ke ti”, ishte kjo fjalia e Gertës që lëndoi dhe mërziti Rozanën, e që më pas ka vijuar në debate mes tyre.
Ky debat ka vijuar edhe në spektaklin e mbrëmjes së kaluar.
“Në asnjë moment nuk i kam thënë rrugaçe, nuk e kam fyer asnjëherë, nuk i kam thënë fjalor rruge. Gertën e njoh prej vitesh sepse është motra e mikeshës sime shumë të mirë. I uroj që fëmijët e saj të bëhen 100 vjeç sikurse dhe Gerta. Unë e di që jam në një lojë dhe mundohem mos të fyej asnjë, nuk e solla Gertën si nënë në shtëpi por ishte një moment i Gertës kur i tha Gjestit ‘që do ta tërheq të marrë një bluzë sepse e di si është të jesh nënë çunash”, tha Rozana.
“Nuk të lë të manipulosh, me pranove që ishte zgjedhja jote që mos kesh fëmijë”, tha Gerta.
“Kjo ka marrë babain tim që nuk është në jetë dhe ma solli këtu, erdhi dhe më zgjoi me një ulërimë… e di që e ka personale me mua”, tha Rozana.
“Ka shumë vajza si puna ime, ti nuk e di sa herë kam qenë dyerve të spitalit për të pasur atë fëmijë”, tha Rozana më tej.
