Nga, Lulash BRIGJA
Dukagjini, treva e cila pasuron thesarin e historisë kombëtare, e mbushur me qëndresë identitare, më me shumë dhimbje sesa gëzime ndër shekuj, por gjithnjë i ka kënduar me shpirt në art të lartë jetës, luftës, dhimbjes, por me plotë ledhetim dashurisë njerëzore, dashurisë për familjen e dashurisë mes burrit e gruas, kjo në fakt kryelartësia e drejtë dukagjinase ndër breza, por gjithnjë e transmetuera me modesti e thjeshtësi për dashurinë më njerëzore.
Sofra e Dukagjinit është tashmë një pikë takimi e referimi për ruajtjen promovimin dhe bashkimin tonë pêr të festuar nën ritmet e muzikës tonë folklorike e tradicionale.
Për një event përbashkues e festiv dukagjinas, nuk mund të qëndrosh në heshtje pa bërë shenimin, aq më teper kur e shijon vetë fizikisht aktivitetin e bukur e festiv.
Festa Dukagjinase, për herë të parë në Itali, për herë të parë kaq shumë këngëtarë së bashku, u bashkuam në Firence – qytetin e Rilindjes Europiane.
Të bashkuar rreth Shoqatës “Sofra e Dukagjinit” në ambjentet e La Selva në FIRENZE gjetëm mikpritjen shqiptare nga djali i Shoshit z.Kol Ndou nga Prekali dhe pronarit të Resorantit z.Leo Bushi, aty gjetëm një akomodim dhe mikpritje fantastike. Vetëm njeriu fisnik me shpirt të madh dhe me dashuri për artin dhe folklorin bën gjëra të tilla.
Por Sofra e Dukagjinit ka emër të madh ka Orën e madhe, ka fansa dhe mbështetje të veçantë.
Të nesërmen unë me disa miq vizitova qytetin e bukur dhe antik Firenze, duke u mbushur me adrenalinën e rilindjes europiane.
Por përqendrimi prap vjen tek mbremja festive, aty kishte një staf profesionist prej 20 vetash dhe mbi 350 vëllezer e motra mërgimtare që jetojnë në Itali, të cilët mbushen atë sallë gjigande, të ardhur kryesisht nga Milano dhe Venezia.
Ne kemi vite që në prag të festave e shtrojmë këtë Sofër bujare dhe folklorike, por asnjëherë nuk kemi patur një publik kaq cilësor, të kulturuar dhe artdashës.
Gjithë ekipi i Sofrës së Dukagjinit ishim në emocion që ta shpërblejmë me një preformancë të mirë interesimin e praninë e tyre. Por si gjithmone e nisën me kënge Majakrahu, pastaj folklor tradicional, aty për rreth Sofrës si dikur motit me sharki e çifteli.
Unë e dija mirë se ata vinin pas punës, dikush ka punuar deri vonë ndoshta, por nga ora 20:00 e deri pas mesnate, aty ishte një festë e paharruar.
Kam fatin dhe përgjegjësinë të moderoj dhe shoh me vëmëndje çdo detaj, por aty jam ndie mjaftë i gëzuar dhe krenar.
Pa marrë përsiper opinoinin e secilit festarë të “Sofra e Dukagjinit”, për stafin organizator, por unë presonalisht për publikun dhe këngetaret shpreh vetëm fjalë mirënjohje.
Të kesh rreth 15 këngetarë dhe të mbash mbi 5 orë program nën vllazëri të plotë festive, të kesh 350 pjesmarres dhe ti alternosh në piste të gjithë sipas preferecave muzikore, është një simfoni që vetem ata që merren me të tilla festa ja dinë adrenalinen.
Unë zakonisht kur jap opinione, nuk flas shumë me emra por të gjithë ishin të mrekullueshëm si aktorët e një orkestre profesioniste e cila funksionoi për bukuri.
Faleminderit dy kolegeve tanë këngetar z.Petrit Gjinaj dhe Pjetër Lazri që jetojnë aty afër dhe u bashkuan me ne.
Nuk rri dot pa e cek bujarine tuaj vllezër dhe motra Dukagjinas, Zoti jua shtoftë lumturinë dhe të mirat materiale. Faleminderit!
Jam i bindur se qindra veta e kanë përcjellë online nga rrjetet sociale, por i bindur se ata që nuk siguruan dot biletë, por vitin tjetër do interesohën më herët.
Sofra e Dukagjinit në Firenze, është një tjetër histori suksesi, një tjetër ditë e bekuar që do ta kujtojmë gjatë.
Faleminderit të gjithë kolegeve këngëtarë dhe stafit.
Shoqata “Sofra e Dukagjinit” me President z.Vuksan Xhuri dhe koordinatori ynë z.Marjan Ndershtiqaj, ju uron Gëzuar Krishtlindjet dhe vitin e ri 2025.
Mirë u takofshim me 28 Dhjetor tek Bar Resorant – Antika në festën tonë tradicionale!
