Pasi ka shpërthyer skenat e vendit e ato të diasporës, Aurela Gaçe i ka vënë flakën dasmave e clubeve të natës, ka shkruar e kënduar këngë nga shpirti, ka fituar çmime e i ka bërë të gjithë të dashurohen me artin e saj, Aurela ka vendosur ta sfidojë veten në një fushë tjetër.
Këngëtaren do ta shohim së shpejti edhe si aktore!
Morëm leje nga autorja t’ju tregojmë titullin e filmit, prej të cilit mund ta imagjinoni vetë përmbajtjen e tij: “Luli & Goni Lemes“. Me skenar të Klaudia Brahimajt dhe regji të Bjordi Mezinit, filmi i ri komedi duket shumë premtues.
Siç thotë edhe një shprehje e urtë që i shkon për shtat: “Eksperimentimi është zemra e artit. Artistët e mirë nuk ndalen kurrë së kërkuari horizonte të reja” dhe ne u bëmë shumë kuriozë për më tepër nga Aurela.
Qëndroni të përditësuar, iconstyle.al do t’ju sjellë të tjera detaje në vazhdim nga “Luli & Goni Lemes”.
Ps: Na thanë që kasti do të ishte nam! Mezi presim t’ju tregojmë!
