Victoria Beckham ka pranuar se arsyeja pse ajo gjithmonë dukej kaq e ashpër nëpër foto ishte sepse ishte e vetëdijshme për lëkurën e saj. Gjatë viteve, dizajnerja e modës, 50 vjeçe, u kthye në sinonim të pamjes së ngurtë, duke ngurruar shpesh të buzëqeshë në shumë ngjarje publike.
Victoria ka qenë gjithmonë e hapur për pasigurinë e saj me lëkurën “problematike”, pasi ka vuajtur nga aknet që nga adoleshenca, dhe ka luftuar për të arritur famën në të njëzetat e saj, ndërkohë që kishte probleme me lëkurën. Në një intervistë të re për The Telegraph, Victoria reflektoi mbi “faktin që nuk ndihej rehat” kur bënte fotografi, sepse nuk ishte e lumtur me veten aq sa të shpërthente në një buzëqeshje.
Gjatë bisedës, Victoria – e cila ka marrë çmimin e parë të revistës për Markën e Bukurisë të Vitit – tregoi se si kërkoi këshilla nga ekspertët e kujdesit të lëkurës, ndërkohë që dizajnerja e modës tani ndjek një rutinë të rreptë për të siguruar që lëkura e saj të qëndrojë e pastër. Ndërsa reflektonte mbi ndjenjën e fortë të pasigurisë për pamjen e saj, Victoria komentoi: “Ndoshta kam dukur e rreptë në shumë fotografi, por isha kaq e paqetë.” Dhe nuk ishte vetëm mungesa e buzëqeshjeve publike që ishte pasojë e problemeve të saj me lëkurën, por edhe dieta e saj e rreptë.
Victoria ka një dietë të njohur shumë të kufizuar, me bashkëshortin David Beckham që ka zbuluar më parë se ajo ka ngrënë të njëjtën vakt çdo ditë për 25 vjet – peshk të pjekur dhe perime në avull. Duke shpjeguar vendimin e saj për të ngrënë një dietë shumë specifike, Victoria shtoi: “Ishte për shkak të lëkurës sime që u bëra shumë e kujdesshme për atë që konsumoj”, ndërsa rrëfeu se mes të tjerash ka hequr mishin e grurin. Sot, Victoria është shumë më e relaksuar me lëkurën e saj dhe madje ofron një buzëqeshje të ngrohtë në shumë raste. Në fakt, ajo është kaq e relaksuar për pamjen e saj, saqë ka zbuluar se tani ndihet mjaft e rehatshme për të shkuar në evente me shumë pak makijazh.
Ajo tha: “Nëse do të më kishe thënë disa vite më parë se do të shkoja në një tapet të kuq për të marrë një çmim, duke vendosur vetëm pak korektor dhe pa fondotintë, do të kisha menduar se jam çmendur, por kjo është ajo që bëra javën e kaluar.”
