Detaje të reja nga ekzekutimi mafioz në Tiranë, që i mori jetën të riut Klaudio Prendi. Grupi hetimor ka marrë në pyetje shokët e viktimës, mes tyre dhe efektivë policie me të cilët ka qenë në lokal pak minuta para se të ekzekutohet 30 minuta pas mesnatës së 18 nëntorit.
Shokët të cilët janë edhe efektivë policie, kanë deklaruar se ishin më te para se të ndodhte ngjarje, por nuk ishte i shqetësuar dhe nuk ka treguar për ndonjë problem.
Ata kanë treguar se qëndruan së bashku për rreth dy orë në një bar kafe në zonën e Xhamllikut në Tiranë, e më pas kanë lëvizur në drejtime të ndryshme.
“Kur po shkonim te makinat tona, dëgjuam për ngjarjen, nuk pamë asgjë”, kanë deklaruar miqtë e tij. Gjatë kontrollit të makinës qe u dogj në Farkë , efektivët kanë gjetur armën e llojit pistoletë. Grupi i hetimit ka disa pista, ndërkohë që nuk është marrë ende dëshmia e ish-gjyqtarit, babait të viktimës.
