Poezi nga Rovena Dokollari
Peng i kujtimit’
E ndonëse e përqafon
të shtrenjtin kujtim
mbi grimçastet e tejkohës
E ndonëse ty akoma të mungojnë
psherëtimat e pafajshme
të përplasjeve së gjetheve
mbi asfalt
E ndonëse të mungojnë ritmet
e piklave të shiut mbi xham
kur botën e kishe të paqtë
e shpirtin veç buzagaz
E ndonëse telat e zemrës
kërcenin nën tingujt
e melodisë së duarve
të dirigjentëve të kohës
Asaj kohës’
që mbet’ klithmë e përqafimit në shpirt
peng i kujtimit të asaj
që do t’ mundnim të ishim
por s’qemë dot kurrë…
Rovena Dokollari ✍️
