Ka ndërruar jetë në spitalin e Traumës 52-vjeçari Eduard Reçi, i cili mbrëmjen e djeshme (13 nëtor) u plagos me armë zjarri.
Ngjarja ndodhi rreth orës 23:00 në rrugën “Faik Konica”.
Mësohet se ditën e djeshme, Reçit i kishte kaluar plumbi në kokë tej për tej. Pavarësisht se u dërgua me urgjencë në spital, nuk mundi të mbijetonte.
Policia bëri me dije është ngritur një grup i posaçëm hetimor, nën drejtimin e Prokurorisë, i cili vazhdon punën për sqarimin e rrethanave të ngjarjes, identifikimin dhe kapjen e autorit/ëve të dyshuar.
