Eros Grezda nuk do të luajë më futboll. Ish-sulmuesi i Kombëtares është tërhequr nga futbolli i luajtur dhe në këtë mënyrë ka vendosur të fokusohet në diçka tjetër.
Ish-i i Partizanit ka zbuluar për “Report TV” se prej 6 muajsh është tërhequr nga futbolli. Shkak për këtë janë vërë dëmtimet dhe operacionet e shumta.
Ndër të tjera ai ka zbuluar se Greza është fokusuar në një kompani si agjent futbollistësh dhe aktualisht i është përkushtuar biznesit.
“Kam gjashtë muaj që jam tërhequr nga futbolli. Po punoj si agjent me një kompani të madhe italiane dhe jam i fokusuar në biznes. Më kanë ndikuar dëmtimet dhe operacionet për t’u tërhequr dhe jeta i ka këto sprova”, ka deklaruar Grezda. / NEWSPORT/
