Kreu i demokratëve EuroAtlantikë z. Lulzim Basha para pak javësh pati disa takime të rëndësishme në Milano, ku krahas komunitetit shqiptar me të cilët ndau rëndësinë e votës së tyre në zgjedhjet e përgjithshme të 2025-s, u takua dhe me përfaqësues të ndryshëm të politikës italiane.
I shoqëruar nga ish-deputeti lezhian Eduart Ndocaj, një faktor me shumë peshë në radhët e shqiptarëve të Italisë, z. Basha pati takime me përfaqësues të “Forca Italia”-s, z .Roberto Formigoni ë, ish-President për shumë vite i Lombardisë si dhe me senatorin Renato Farina, me të cilët bashkëndau nevojën e mbështetjes së vendit mik të Italisë në proceset integruese të Shqipërisë si dhe trajtoi çështjet që lidhen me shqiptarët që jetojnë e punojnë prej vitesh në Itali.
Kreu i demokratëve euroatlantikë Lulzim Basha ka organizuar shumë takime në Itali, ku spikat roli dhe mbështetja që i jep z. Eduart Ndocaj, ky i fundit me mjaft reputacion dhe ndikim në votën e shqiptarëve të Italisë.
Burime për infopressalbania konfirmojnë se z. Eduart Ndocaj do të jetë kandidat në qarkun e Lezhës duke udhëhequr listën e demokratëve euroatlantikë të Lulzim Bashës.