Shkruan Ana Llazo
Rëndësia e digjitalizimit në arsimin modern dhe koherent përfshin disa aspekte kryesore;
1- Përmirësim të qasjes së informacionit duke i lejuar nxënësit të kenë një qasje në një gamë të gjërë burimesh në internet.
2- Rritje të përfshirjes dhe motivimit duke e bërë të nxënit më argëtues dhe motivues.
3- Përgatitja për tregun e punës; Digjitalizimi i arsimit i ndihmon nxënësit të fitojnë aftësi teknologjike të rëndësishme për tregun modern të punës duke përfshirë aftësinë për të përdorur sotfware dhe për të bashkëpunuar në projekte nē platforma online 4- Zvogëlimi i pabarazive në arsim;
Digjitalizimi ofron qasje të barabartë në burimet edukative pavaresisht vendndodhjes së nxënësve.
Digjitalizimi i sistemit arsimor është një hap i domosdoshëm drejt modernizimit të arsimit dhe përgatitjes së gjeneratave të ardhshme për një botë më të ndërlidhur dhe teknologjike.
Investimi ne laboratorët inteligjentë ështē një hap thelbësor në avancimin e arsimit dhe veçanërisht në fushën e shkencës, tekonologjisë, inxhinierisë.
Investimi në laboratorët e inteligjencës sjell një mësim më të personalizuar, një pērmirësim të rezultateve akademike, inovacion dhe hulumtim dhe përmirësim të bashkëpunimit dhe ndarjses së njohurive. Por pavarësisht përfitimeve hasen dhe sfida ku mund të përmendim; kostot financiare dhe mirëmbajtjen, trajnimin e stafeve akademike dhe sigurinë e privatësisë.
Investimi në laboratorët e inteligjencës është hap vendimtar drejt një sistemi arsimor që përqafon inovacionin dhe shkencën duke e bërë arsimin më të përshtatshëm për sfidat e së ardhmes dhe duke i përgatitur nxënësit për sfidat e shekullit të 21-të.
