Klaus Gjasula me anë të një postimi në rrjetet sociale ka njoftuar se nuk do të jetë më pjesë e Kombëtares Shqiptare.
“E kisha ëndërruar gjithmonë të luaja me Kombëtaren dhe e realizova. Isha në një Europian, shënova një gol dhe u ndjeva njeriu më i lumtur. Nëse kthej kokën pas, kam plot momente të bukura me fanellën kuqezi, që nga grumbullimi i parë, te ndeshja debutuese ndaj Francës në “Stade de France” dhe tek ajo e fundit ndaj Kroacisë në Europian. Edhe kur e mendoj tani ende dridhem nga emocionet”, shkruan Gjasula.
Mesfushori thotë se ka plotësuar ëndrrën për të luajtur me kombëtaren dhe se tani është koha për ti hapur rrugën të rinjve.
Gjasula për 5 vite ka luajtur 29 ndeshje me kombëtaren dhe për herë të parë është bërë kuqezi në moshën 29-vjeçare.
