Zëvendës Ndihmës Sekretari shtetit Gabriel Escobar tha në një intervistë në fund të detyrës së tij se Shqipëria ka qene një partner i shkëlqyer gjate viteve qe puna e tij lidhej me Ballkanin. Ai tha se Shqipëria ka përparuar mjaft që nga vitit 1991 dhe ka dhënë një kontribut të rëndësishëm edhe në çështje ndërkombëtare
“Shqipëria ka treguar një nivel lidershipi ndërkombëtar. Është mahnitëse kur e mendon se ku e filloi ky vend ne vitin 91. Shqipëria ishte vend anëtar i këshillit të sigurimit si një vend jo anëtar i përhershëm, por dha një kontribut të jashtëzakonshëm në çështjen e Ukrainës dhe ne çështje të tjera ndërkombëtare. Shqipëria është një vend i angazhuar i NATOS dhe partner në luftën kundër terrorizmit dhe krimit të organizuar”, u shpreh Escobar.
Escobar më tej përmendi korrupsionin si plagën që ende Shqipëria nuk e ka shëruar dhe shtoi se duhet që politika duhet të aftësohet për ta përballuar këtë sfidë. Ai bëri thirrje që opozita të jetë e qartë në udhëheqjen e saj dhe të mos zgjedhë në krye një njeri që kujton kohët e këqija të viteve 1990.
“Ka shumë sfida në Shqipëri. Cështja e korrupsionit, manipulimi i disa institucioneve. Na duhen parti politike të afta që të ruajnë njëra-tjetrën. Ne kemi nevojë për një opozitë që mund tëbëjë me përgjegjësi qeverinë, që mund t’u ofrojë njerëzve opsione, një sërë opsionesh për t’u përballur me sfidat e rrugës evropiane të Shqipërisë. Për këtë duhet që opozita të jetë shumë e qartë se cili është qëndrimi i saj, të jetë e qartë për udhëheqjen e saj. Dhe më duhet të them, shpresoj që zgjedhja për drejtimin të mos jetë dikush që na kujton ditët e këqija e të vjetra në Shqipërinë e viteve ’90. Kështu që unë shpresoj se përfundimisht partia kryesore opozitare do ta gjejë rrugën e saj”, tha zyrtari i lartë amerikan duke folur për Shqipërinë në emisionin Balkan Debrief te gazetares Ilva Tare.
