Deputeti i pavarur, Agron Shehaj foli mbrëmjen e djeshme për projektin turistik në Sazan. Ai deklaroi në emisionin “Të Paekspozuarit” në MCN TV, se pyetja sot shtrohet nëse Rama po përfiton politikisht nga dhënia e Sazanit, duke risjellë ligjin për investimet strategjike në fuqi prej vitit 2015.
“Nuk ka njeri që është kundër ndërtimit të një shkolle, spitali, apo resorti. Sa përfitime do të sjellë është problem tjetër. Një resort nga një subjekt, një kompani serioze ndërkombëtare është një gjë e mirë, por e vonuar.
Pyetja është nëse po kërkon Edi Rama të përfitojë politikisht nga dhënia e Sazanit, apo për përfitimet nga ky potencial ekonomik. Nëse ne shohim se si Rama ka përdorur ligjin për investimet strategjike, kujt ai ka dhënë, si i ka ndarë në disa duar oligarkësh, ka dyshime shumë të forta për një vendim të Ramës për një vendim për të cilin s’kemi informacion.
Ajo që ne dyshojmë bazohemi te faktet se s’ka transparencë, s’ka garë, ka njerëz shumë të afërt me Edi Ramën që kanë marrë gjithë infrastrukturën e Shqipërisë, rrugë, porte, aeroporte, flasim për Kastratin, këto e kanë shtyrë Ramën për këtë vendim”.- – deklaroi Shehaj.
